لسان حال اليتيم الفاقد لأمه…

قديش حلوة الدني يا أطيب الأحباب
وتكون إمي معي وأهلي وخلاني
ويكون طعم الهنا فاتح بصدري بواب
وعا طول شوف الدني الحان وغناني
لكن يا حسرة أنا عالحزن قلبي ذاب
وخسرت إمي اللي كانت كل عنواني
تيتم فؤادي وصرت بالهم والسرساب
لحظات عمري قساوة وقهر عم عاني
يمي بلاكي الدني ما ضل إلها حساب
يا كل روحي تعي عالحي منشاني
عمري بدونك يا إمي عن ضلوعي غاب
وبيزور صدري القهر كل يوم والثاني
وكل شي بنيتو بحضنك يا حنونه عتاب
ازميل قهري هدملي كل بنياني
وأثمار روحي انتهو وكان الحزن غلّاب
والبعد عنك كلخلي كل أغصاني
وحياة رب الخليقه العالم الوهّاب
وحياة حضنك أنا يا دم شرياني
تمنيت يمي إذا بيصير جسمي تراب
وأفلش حياتي إلك يازينة الأمات
وهونيك بنسى الدني والحزن ينساني

الشاعر حسين عاصي